"Tapos dumating na ang araw ng pag-alis nila, nagulat na lang ako na ikaw pala ang kasama nila. Habang ako, todo hantay sa pag-aya ni Riz. Sinundan ko kayo noong araw na 'yon. Pero hanggang pyer lang ako dahil wala akong invitation. Bumalik ako sa bahay at nagmukmuk. Buong araw akong uminum at nagpakalunod sa alak. Binabantayan ang bawat post nila at sa tuwing nakikita ko ang pictures niyo nina Riz at Ken, lalo akong nilalamon ng galit ko. Ako dapat ang nandoon hindi ikaw. Sino ka para pumalit sa 'kin bilang boyfriend ni Riz. Kaya noong pa-uwi na kayo chumempo ako para ipakita sa 'yo na ako ang mahal ni Riz, pumunta ako para maghamon ng away. Ang yabang ko pa, kasi akala ko ako ang kakampihan ni Riz, pero akala lang pala ang lahat." Pinunasan na nito ang kanyang luha. Ngayon n'ya lang nais
