Kinausap ko ang papa ni Riz, mag-iisang linggo matapos ang araw na 'yon. Sinadya ko pa ito sa kanya opisina para personal na makausap si tito. Humihingi ako ng dispensa sa ginawa kong gulo, naging mabuti sila sa akin at ayaw kong suklian to ng hindi maganda. Ako na ang umako ng kasalanan dahil ako naman ang nasa matinong pag-iisip ng oras na 'yon. Nadala na lang din ako ng galit at hindi ko na lang talaga napigilan ang bugso ng aking damdamin ng gabing 'yon. Hindi ko na kayang sikmurain ang mga pinagsasasabi ng Nick kaya nagawa ko itong patulan kahit nasa impluwensya pa ito ng alak.
Hinarap ako ni tito ng maayos. Napag-usapan namin ang mga nangyari, at narinig ni tito lahat ng aking mga sinabi.
"Jerson tao ka lang naman, normal ang naging reaksyon mo. Kahit akong tatay ni Riz, abot langi
