"IKAW HA. NAG-DISGUISE ka nga, nag-English ka naman at nagtanong tungkol sa card," bungad na litanya ni Stacey kay Hades nang makauwi sila. Padilim na nang makabalik sila sa isla ng binata. "Tinitigan ka pa naman nu'ng staff kanina."
Hindi na rin sila masyadong nakapamasyal dahil marami silang dala. Matapos ding ihatid ay nagpaalam na rin si Mang Waning na uuwi na dahil baka abutin pa ito ng gabi sa laot.
Nangako naman ang binata na maga-island hopping sila sa mga susunod na araw para makita niya pa ang iba't ibang tanawin sa Palawan. Tamang-tama lang din dahil start na ng summer sa bansa.
Pabagsak siyang naupo sa malambot na couch bago sinundan ng binata. Naupo ito sa tabi niya at iniakbay ang braso sa kanya. Hinalikan nito ang pisngi niya.
"You're so affected and paranoid," natatawan
