"Ginoong Tobby Perkinson, inaaresto kita sa salang pagpatay sa pamamagitan ng kautusan nang pag-aresto," ani Vito sabay lahad ng warrant of arrest kay Toper.
Tamad na kinuha 'yon ng lalaki at pasimpleng binasa. Hindi man lang ito nabakasan nang kahit na anong pagkabigla o pagtutol man lang sa kaniyang reaksyon.
"Ano nanamang kalokohan ito?" nakangisi nitong tanong sa mga pulis.
Sa halip na tugunin, kinuha ni Vito ang dalawang kamay nito upang suotan nang posas. Hindi naman ito nag-abala pang pumalag.
"Ikaw ay may karapatang manahimik o magsawalang kibo. Ano man ang iyong sabihin ay maaaring gamitin pabor o laban sa'yo sa anumang hukuman. Ikaw ay may karapatang kumuha nang tagapagtanggol na iyong pinili at kung wala kang kakayahan, ito ay ipagkakaloob sa'yo ng pamahalaan. Nauunawaan m
