"Natagpuan na niya ang saksi, pinuno. Tiyak na hindi magtatagal, malalaman niya na rin ang tungkol sa'yo." Pagbabalita nang taong taksil sa kanilang samahan na si Toper sa babaeng nakaupo sa mala-trono na silya. Kuyom ang mga kamao nito at nagkikiskisan ang mga ngipin.
"Hindi niya maaaring malaman na ako ang nagpapatay sa kaniyang ina," bumagsik ang mukha ni Diana. Walang mag-aakala na ang ginang na taglay ang magandang mukha at ugaling hindi makabasag pinggan ay mayroong halimaw na itinatago sa kaniyang kaibuturan.
"Ngunit natitiyak kong malapit ka na niyang matunton, pinuno. Oras na mapagtagpi-tagpi nila ang mga pangyayari sa tulong nang pakialamerong pulis na nagngangalang Vito Morales na 'yon, nasisigurado kong mahuhuli ka." Malumanay na sagot ni Toper.
"Hindi 'yon mangyayari. Pata
