Nagdesisyon si Shawn na muling dalawin si Toper sa bilangguan kung saan ito pansamantalang nakapiit habang sinisiyasat pa ang kaso. Nagbabakasakali na mayroon siyang makukuhang bagong impormasyon sa lalaki.
"Mister Jackson, himala at naparito ka. Ano ang inyong pakay?" salubong na tanong sa kaniya ni Vito nang marating niya ang lugar kung saan naroon si Toper.
"Gusto ko siyang kausapin," tipid ngunit kumpirmadong saad niya na agad nakuha ni Vito kung ano at sino ang kaniyang tinutukoy.
"Halika, sumunod ka sa akin." Itinuro nito ang daan kung saan niya makikita si Toper. Ngumiti ang babaeng minsan na niyang nakilala na ngayo'y nakatoka sa complaint desk. He could no longer remember her name but he was one hundred percent sure that the woman’s name was connected to food. Nilagpasan niya i
