"Oh, bakit naparito ka, aking mahal na kaibigan?" nakangising tanong ni Axel kay Zeus na ngayo'y naririto at nakatayo sa kaniyang harapan. Kasalukuyang nakikipagharutan nanaman siya sa isang seksing babae na napulot niya lang sa kung saan. Hindi mawari ni Axel kung ano ang tumatakbo sa utak ni Zeus. Seryoso lang ito na nakatingin sa kaniya at sa babae niyang kalampungan.
"Hindi na ako magpapaligoy-ligoy pa, Axel. Gusto kong malaman kung ano ang ipinunta rito ng batang Jackson?"
"Ouch! Ang sakit naman no'n. Ang buong akala ko pa nama'y naririto ka para kamustahin ako." Pinalungkot nito ang tinig maging ang hitsura habang nakahawak sa dibdib na tila nasaktan ito sa kaniyang sinabi. Nang mawari nitong hindi siya nakikipaglokohan ay bumaling ito sa babae saka ito ginawaran nang magaan na ha
