Sapo ni Amelie ang sarili nitong ulo nang dumaong sila sa Batangas. Napangiwi si Shawn habang minamasdan niya ang itsura ng babae. Parang pugad ng agila ang gulo-gulo nitong buhok at ang pisngi nito'y may mapa pa ng panis na laway.
"Yuck, disgusting. Is she really a woman?" naiiling na wika niya habang nakamasid dito nang palihim.
Pagewang-gewang ito habang naglalakad. Sa rami ba naman nang nilaklak na alak nito kagabi'y malamang na lasing pa rin ito hanggang ngayon. Kung makatungga naman kasi ito ay parang mauubusan at wala ng bukas.
"A!!! Oh, f**k!" anas ng isang tinig.
Nangunot ang noo niya sa lalaking kadarating lang sa port. Bihis na bihis ito na tila may importanteng meeting na pupuntahan. Si Axel Teodoro. Akmang yayakapin nito ang babae ngunit bumulwak nang biglaan ang suka ni
