Masayang nagkukumustahan sina Arthur at Celestine habang kumakain. Magaan naman kasi talaga kausap si Arthur. Kung noong nag-aaral pa sila ay medyo nahihiya pa siyang kausap ito dahil syempre crush niya ito pero ngayon parang casual nalang. Wala na iyong butterfly in her stomach feeling ngayon dahil siguro she's no longer a teenage girl.
Habang nag-uusap ay napadako naman ang tingin niya kay Andrew na minsan nagkakasalubong ang tingin nila. Medyo madilim na ang mukha nito ngayon nang mahuli niya itong nakatingin sa kanya.
Anong problema ng lalaking iyon? Sa loob-loob niya.
Nakita niyang dumating ang dalawang babae at lumapit kina Andrew. Ito siguro ang hinihintay ng mga ito. May bitbit itong mga shopping bags. Halatang galing namili.
"Naalala mo iyong si Bentoy na walang ginawa kundi a
