Alhena Bernabe
Nagising ako dahil sa isang katok sa pintuan ng aming kwarto, tinignan ko muna si Gavin sa aking tabi at tulog na tulog pa ito. Kaya dahan-dahan akong bumangon at tinungo ang pintuan upang buksan ito.
“Alhena alas kwatro na ng hapon halina’t mag meryenda,” bungad sa’kin Lola dahil siya pala ang kumakatok.
“Sige po, Lola susunod na lang po ako,” magalang na tugon ko naman agad.
“Isama mo na rin ang apo kong si Gavin,” sabi pa ulit niya, at muli kong nilingon si Gavin. Tulog na tulog pa rin ito at ayokong madisturbo ang tulog niya baka kasi sumakit ang ulo nito o, ‘di kaya ay umiyak.
“Ah, Lola ako na lang po muna, mahimbing pa po kasi ang tulog ni Gavin,” saad ko kay Lola.
“Oh sige, tirhan na lang natin siya ng pagkain, bilisan mo na r’yan ha?” tugon naman agad ni L
