Alhena Bernabe
Napatulog ko na si Gavin sa kanyang kwarto at tahimik na rin ang buong mansion dahil tulog na rin ang mga tao. Kaya naisipan ko nang puntahan si Gael sa kanyang kwarto para kausapin.
Pagkatapos kasi naming kumain kanina ay dumeritso na agad siya sa kanyang silid.
“Love,” tawag ko habang kumakatok sa pintuan ng kanyang kwarto.
“Pasok,” tugon naman agad niya kaya agad ko nang binuksan ang pintuan ng kanyang kwarto.
Nadatnan ko siyang nanunuod ng TV, at tutok na tutok siya sa kanyang pinapanuod na palabas, habang nakahiga sa kanyang kama. Nakakahiya tuloy mang disturbo pero kailangan kong klaruhin ang sinabi niya kanina sa anak namin. Gusto kong malaman kung ano ba talaga ang plano niya para sa’min.
“Love, pwede ba muna kitang makausap?” mahinahon kong tanong sa kanya
