Alhena Bernabe
Hindi ko nagawang kausapin si Gael nung araw na nag-away kami hating gabi na kasi ito umuwi at simula nun ay hindi niya na ako gaano kinakausap. At sa tuwing babanggitin ko sa kanya ang tungkol sa pag-aaway namin nung nakaraan ay agad siyang umiiwas. Hindi na nga rin kami sabay pumunta sa trabaho dahil mas maaga na siyang umaalis kesa sa'kin at hating gabi na kung umuwi. Nalulungkot ako na naiinis sa kanya dahil hindi man lang niya ako magawang pakinggan. Hindi ko tuloy alam kung matutuloy pa ba ang pag-alis namin papuntang Canada dahil sa sitwasyon naming dalawa. Hindi na rin siya gaano nagkakaroon ng panahon kay Gavin naawa tuloy ako sa anak namin, lagi pa naman kasi niyang gustong makalaro ang Daddy niya. Tulad ngayon gabi na pero nandito pa rin kaming dalawa ni Gavin sa
