Sino bang nilalang sa mundo ang hindi nais ng kapayapaan at katiwasayan? Sino bang tao sa mundong ito ang hindi nais ng katahimikan at kaayusan sa kaniyang buhay? Sino nga ba?
Lahat ng tao marahil ay gusto ang ikabubuti ng kanilang buhay—para sa sarili, pamilya, at sa kapaligiran. Lahat ay gagawin ng mga tao upang mamuhay nang naayon sa kung ano ang dapat. Maraming itinataya, isinusugal, at ibinubuwis makamit lamang ang kapayapaan na hinihiling ng mga tao. Masarap mabuhay.
Gaya na lamang ng dalagang si Vina.
Kabilang siya sa mga nilalang na nagnanais ng maayos na buhay para sa sarili at pamilya.
Noon pa man, matagal ng inaasam ng dalaga ang tunay at ganap na kasiyahan para sa kanilang mag-ama. Ipinangako ni Vina noon sa sarili na lahat ay gagawin niya para muling magkasama ni Frado at
