Maggagabi na rin nang makauwi sina Vince at Vina sa mansiyon. Bahagyang ginabi sila dahil hinintay na lamang ni Vina na matapos si Vince sa trabaho nito at nanuod sa ginagawa.
Naupo si Vina sa isang bakal na upuan sa kitchen habang sinasalin naman ni Vince ang mga uwi nilang pagkain galing din mismo sa Four Central. Tahimik ang paligid. Malamig ang bugso ng hangin dahil papasok na ang buwan ng Disyembre at magpapasko na rin.
“Your friend Miro and Jinna...”
Napalingon si Vina kay Vince nang seryosong banggitin nito ang pangalan ng dalawang kaibigan. Tumulong na rin si Vina sa pagsalin ng mga putahe, ng kanin, at ng chicken soup.
“Year of the tiger sila. That only means you have to keep distance with them and avoid physical contact,” paalala ni Vince. “Of course, I understand that commun
