SA tapat ng isang may kalakihan at lumang bahay itinigil ng tricycle driver sina Luna at ang nanay niya. Pagkababa nila kanina sa bayan ay nagtanong-tanong sila sa mga tricycle driver doon kung kilala ba nila si Magda Soledad. Hindi naman sila nahirapan na maghanap ng nakakakilala dito dahil halos lahat ng napagtanungan nilang driver ay kilala ito. Iyon nga lang, nahirapan silang maghanap ng tricycle driver na papayag na ihatid sila sa bahay nito. Tila lahat ay takot dito sa hindi nila malaman na dahilan. Wala pa nga sanang maghahatid sa kanila kung hindi pa sinabi ng nanay niya na dodoblehin ang bayad basta ihatid lang sila sa bahay ng kaibigan ng nanay niya na si Magda.
“Kaano-ano po ba kayo ni Aling Magda?” tanong ng tricycle driver sa nanay niya habang inaabot nito ang bayad. Nahalata
