Bago pa man magtungo ang tatlong itlog at si Biloy sa bahay niya ay nakausap na niya ang ama ng batang dinadala ni Linda. "Hi Uly. Salamat sa pag-contact mo sa'kin." sabi ng kausap niya sa telepono. Mabuti na lang at active pa ang roaming nito.
"It's your right to know. Please look for her and be a father of your baby..." sambit ni Uly. Hindi naman akalain ng binata na magbubunga ang pinagsaluhan nila ng dating asawa sa resort. Ilang buwan na rin ang nakalilipas nang may mangyari sa kanila.
"Oo, salamat, pare." matapos mag-usap ng dalawa ay ibinaba na nito ang telepono.
Makalipas ang ilang araw nang dinalaw niya si Pisces ay hindi na siya nakabalik doon. Naging abala siya sa trabaho. Ngunit ang importanteng bagay na kailangan niyang sabihin ay hindi niya puwedeng makalimutan. At iyon ay
