Habang abala si Luther sa pagbaba ng kanilang mga gamit si Cassie naman ay tumungo muna sa kusina para uminom ng tubig, naghihintay na ang sasakyan nila ba maghahatid sa kanila sa tabing dagat. Nakasakay na sa van sina Darwin at Salve ang magkasintahan na lang ang kanilang hinihintay.
Ipinasok ni Luther sa loob ng sasakyan ang bitbit niyang bag. Papasok na rin sana siya sa loob ng magtanong si Salve.
"Nasaan si Cassie?" anito.
Natigilan ang binata. "Wala pa ba d'yan? Akala ko kasama n'yo na sa loob," sabi nito.
"Wala pa siya rito, akala namin kayo ang magkasama," ani Salve.
"Nang umakyat ako sa kwarto ay bumaba na siya. Teka hahanapin ko sa loob." Hindi pa nakakahakbang si Luther ay humahangos na dumating ang mag asawang Celeste at Miguel.
"Nasaan si Cassie?" agad na tanong ni Celest
