Nagmamadaling umuwi sa Isla Virginia ang magkasintahang Luther at Cassie. Dumiretso agad sila sa resort. Nang dumating sila ay hindi maiwasan ng mga empleyado na hindi makiusyoso lalo na at nakita nila ang nobya ng kanilang amo.
Humahangang nakatingin lang si Nene sa magandang babae na kasama ni Luther. Hindi niya alam na ang Cassie na kasama ng binata at ipinakilala sa lahat na nobya nito ay walang iba kung hindi ang kaniyang Ate Selena.
Binangga ni Kiko sa balikat si Nene gamit ang kaniyang balikat kaya napaatras ang dalaga.
"Bagay na bagay sila 'di ba?" sabi nito, habang ang dalaga ay nakatanaw sa papalayo at magkahawak-kamay na magkasintahan.
Inirapan lang ito ni Nene, halatang hindi sumasang ayon sa sinabi ni Kiko kaya naman tuwang-tuwa ang binatang bar tender. Iba ang saya na nad
