Naalimpungatan ako nang makarinig ako ng pagbukas at pagsara ng pintuan. Kaagad kong iginala ang mga mata ko sa buong paligid. Kwarto ang nakikita ko at mukhang pamilyar sa akin. Kumunot ang noo ko dahil parang nasa sarili kong kwarto ako ngayon? Luminga ako at laking gulat ko dahil tama nga ako. Nasa sariling kwarto nga ako ngayon. Pero paano? Paano ako nakauwi dito gayung dapat sa pad ako ni Jason ako natutulog ngayon kung malinaw pa ang isip ko kagabi dahil siya ang kasama ko bago ako nakatulog sa kotse niya.
Bumangon kaagad ako at mas lalo akong nagtaka nang makitang katabi ko pa ang teddy bear ni Linta. Sumimangot ako dahil as in nakadikit din ito sa akin.
"Sinong naglagay sa'yo sa tabi ko?" Asar kong sabi sabay sipa para mahulog ito.
Wala siyang karapatang tumuntong sa kama ko. Ma
