"'Nak, wala ka na ba talagang balita pa sa kanya?"
Napahinto ako sa pagpili ng dress na susuotin ng marinig ko ang tanong na 'yon ni Mama. Humarap ako sa kanya at nakita kong seryoso siya at hindi man lang kumurap na nakatingin sa akin habang hawak niya ang malaking teddy bear na bigay sa akin ni Linta.
Anyway, alam pala lahat ni Mama ang tungkol sa amin ni Harry. Ang buong akala ko kasi ay wala siyang kaalam-alam pero nahahalata niya rin pala kaming dalawa. Pero hindi niya ako sinaway dahil gusto niyang malaman kung mapapanindigan ko ba daw ang pangako ko sa kanila ni Papa na magtatapos muna ako ng pag-aaral. And she was proud of me dahil hindi siya nabigo na pagkatiwalaan ako.
That time ay nakasilip lang pala siya sa amin ni Harry. Kaya alam niya lahat ang kaharutan namin ni Harry.
