"Anong gagawin mo sa akin, ha?!"
Pasinghal niyang tanong nang magmulat siya ng kanyang mga mata at ako ang mabungaran niya.
Sasagot pa lang sana ako'y tinulak niya na ako at mabilis na tumayo para makalayo sa akin.
Paismid akong ngumiti sa kanya kahit sumakit rin ang puso ko sa ginawa niya. Nagbuga ako ng hangin at bumaba ng kama.
"Anong binabalak mo?!" tanong niya ulit sa mataas na boses.
Kitang-kita sa kanyang mukha ang nagdududa niyang tingin. Bumigat ang dibdib dahil parang iniisip niyang may gagawin ako sa kanya ng masama. Pero kahit gano'n pa man ay gusto ko siyang intindihin sa kalagayan niya kung totoo mang may amnesia pa rin siya.
"Wala," tipid kong tugon at ngumiti ng pilit.
"Wala? E, bakit magkasama tayo?"
Hindi ako sumagot at tinignan ko lang siya. Bumigat ang dibdi
