CHAPTER 15
Celestina POV
Pagkatapos ng lahat ng kaguluhang nangyari sa event, napansin ko ang bigat ng iniwan nitong marka sa amin ni Leonardo. Sa kabila ng lahat, hindi maitatangging mas lalong lumalim ang koneksyon namin. Pero kasabay nito ang takot at mga tanong sa aking isipan—hanggang saan ko siya kayang ipaglaban?
Nasa garden ako ng bahay namin, umagang-umaga. Humihigop ng kape habang iniisip kung paano kami umabot sa ganitong sitwasyon. Sa likod ng lahat ng ngiti at alindog ni Leonardo ay naroon ang isang lalaking maraming tinatagong sikreto. At ako? Ako ang babaeng piniling mahalin niya sa gitna ng lahat.
Hindi ko maiwasang bumuntong-hininga. Napalingon ako sa pintuan ng terrace nang makita siyang papalapit, suot ang paborito niyang navy blue na polo shirt at itim na pantalon.
