CHAPTER 25
Still Third Person POV
Tatlong buwan na ang lumipas mula nang huli nilang pagkikita ni Leandro, at sa panahong iyon, pilit na nilalabanan ni Celestina ang lungkot at pangungulila. Ginugol niya ang kanyang mga araw sa trabaho, sinusubukang magpakabisi upang kalimutan ang sakit na iniwan ng kanilang paghihiwalay. Ngunit ang pagbabago sa kanyang katawan ay hindi niya maikakaila.
Isang umaga, sa gitna ng kanyang pagsusuri ng mga papeles sa opisina, biglang umikot ang kanyang paningin. Agad siyang dinala ni Marian, ang kanyang sekretarya, sa klinika ng kumpanya. Doon, inirekomenda ng doktor na sumailalim siya sa ilang pagsusuri.
Pagkatapos ng ilang araw, bumalik siya upang kunin ang resulta.
"Miss Soriano," ani ng doktor habang seryoso ang mukha. "I would like to congratulate yo
