Rylee’s POV
Ilang oras din ang ibinyahe namin bago kami makababa sa panibagong isla na hindi ko alam kung nasaan na kami. Basta dumaong ang bangka namin sa isang port. Medyo nahihilo pa ako sa lakas ng alon sa dagat halos isang oras din ang nilakbay namin sa karagatan. Bago kami dumaong dito. Malakas ang hangin dito at wala din akong natatanaw na kabahayan. Gustuhin ko man na magtanong ay hindi pa kasi ito ang tamang oras para kausapin ko sila ng maayos tungkol sa perang nakuha nila sa Mommy ni Inigo. Kaya kapag nakita ko na si Tita saka ko sila kakausapin tungkol doon.
“Nasaan na po tayo Tito Fermin?” Tanong ko sa kanya habang naglalakad kami. Kakababa lamang namin sa bangka. Saka ko pa lamang napansin ang kagandahan ng isla na para akong nasa tagong paraiso dahil wala akong mamataan n
