[CHAPTER 28]
◌●◌
ILANG MINUTO rin ang itinagal nila sa daan pauwi sa bahay ng kanyang papa. Malayo-layo rin kase ang lugar ng mga Foix. Nakapikit ang mga mata ni Francine at matindi pa rin ang pagkakahawak nito kay Chaos dahil sa takot na lumipad sa motor na sinasakyan. Napakabilis din ng pagkabog ng kanyang dibdib. Hindi dahil sa sasakyan kung hindi sa pag-aalala sa mga taong naiwan sa bahay nila.
Kaagad na nag-angat ng tingin si Francine matapos makarinig ng iba't ibang pagdaing noong huminto sila. Saka niya lamang napansin na nasa bahay na pala sila. Inalam niya kaagad ang nangyayari sa paligid. Ganoon na lamang ang gulat niya habang nakatingin sa matinding kaguluhang nangyayari.
Parang binagyo ang labas ng bahay nila! Basag na ang mga paso. Ang lupa ng mga halaman ay nagkalat sa
