[CHAPTER 44]
◌●◌
PAULIT-ULIT NA tumatakbo sa isipan ni Francine ang nangyari sa mga bata habang nagpapalit siya ng sapatos. Ang pagkakabuhol niya ng sintas ay napakahigpit dahil sa matinding galit. Pinalitan niya rin ng itim na leather jacket ang suot na t-shirt, habang ang ilalim niyon ay crop top. Ang pang-ibaba naman ay fitted jeans. May mga nakasukbit ding baril sa kanyang bag holster. Nag-ipit din siya ng balisong sa suot na high cut na sapatos. Sinigurado niya rin na sapat ang bala na mayroon. Nang matapos ang paghahanda ay itinali niya naman ang maikling buhok.
Nagpupuyos siya sa galit. Ngayon pa lamang sila nakakapagpahinga ngunit sumusunod na naman ang problema sa kanila. Wala ng katapusan. Sa dinami-rami rin ng pwedeng idamay, ang pinakamalapit pang tao ngayon sa kanya ang
