"Tama ka, siya nga ang ina ng kambal."
Mahabang katahimikan ang namagitan sa kanila. Kahit may kutob na si Rosalie sa bagay na iyon ay hinihiling niya pa rin na nagkamali lang siya. Pero ngayon, kay Wesley na mismo nanggaling ang katotohanan. Nagkaroon nga ng relasyon si Alianna sa kaibigan niya nung napadpad ang mga ito sa isla.
Pagak na natawa si Rosalie, "Ngayon alam ko na kung bakit tutol ka na ngayon natin gawin ang pagkidnap kay Rio. Dahil alam mong madadamay si Alianna. Gusto ko tuloy magduda sa motibo mo sa pagtulong sa'kin. Sa tingin ko pinoprotektahan mo si Rio hindi para sa'kin, para kay Alianna."
"Hindi totoo 'yan," mabilis na tanggi ni Wesley, "pinrotektahan ko si Rio dahil alam kong mahalaga siya sa'yo. Nung mamatay si Kuya, ikaw na lang ang naging pamilya ko. I'm sorry
