"Walang pangalan ang grupo, Rio." paliwanag ni Elixir, "Pero kilala ang grupo namin bilang mga bata ni Black out. Nabuo kami nang angkinin ng mga Villareal ang hacienda na ipinangako sa amin ng dating congressman. Natalo kami sa kaso. Pero hindi lang iyon, pinapatay pa ang iba sa mga kamag-anak namin. Ang misyon ng grupo ay ang makaganti sa mga ito. Pero tuso ang mga Villareal. Marami rin silang inuupahang tao kaya hindi kami makakilos."
Hindi makapaniwala si Rio sa narinig. Alam niyang hindi iyon kayang gawin ng lolo't lola pero gaano niya ba kakilala ang mga ito?
"Rio..." untag ni Elixir.
"Ha? Naiintindihan ko ang misyon," kunwa'y tumango siya.
"Kapag naisagawa na natin ang plano, tutulungan ka namin sa abot ng makakaya namin. Hanapin ba ang nawawala mong kapatid? Saan ba siya nawala
