Balisa ako habang naglalakad kami pauwi. Si Junmar ay kanina pa lingon nang lingon sa'kin.
"A-Ate, ano pong ginawa mo? bakit ka hinahanap sa TV?" hindi na niya napigilan pang itanong. Bakas ang takot sa mukha niya. Ako rin ay natatakot. Noon ay hinihiling kong maging legal ang edad para makahanap ng ibang trabaho kahit ayaw ni Mama. Ngayon ay natatakot ako sa maaaring mangyari. Ayokong iwan sila Mama, hindi rin ako papayag.
"Wala akong kasalanan, naniniwala ka naman kay Ate, 'di ba?" tanong ko sa kanya.
Tumango siya.
Iyon lang ang kailangan ko, ang mapatunayan na inosente ako mula sa mata ng mga taong malapit sa'kin. Hindi ko kailangan ng opinyon ng iba, hindi nila ako kilala at wala silang karapatang ituro akong masama.
"Kuhanin mo na ang mga dapat mong kunin, bilisan mo," utos ko
