Patuloy ang usap-usapan kahit lumipas na ang bagyo, parang bigla akong naging sikat sa mga taga-skwater.
Bawat lakad ko ay napapatingin sila, maging si Junmar ay binabanggit na naririnig niya ang pangalan ko sa mga kapitbahay. Sinabihan ko siyang ‘wag iyon pansinin at baka kung anu-anong kwento na pala.
Ang sabi kase na ang 'heater' daw na iyon ay galing kay sir Haze, hindi naman kumpirmado, iniisip ko na baka nagkataon lang na may saksakan sa poste malapit sa pwesto namin. Hindi lang din naman kami ang nakinabang kundi ang mga kalapit namin. Ayokong alalahanin masyado ang mga sabi-sabi, isa pa, may kasintahan si sir Haze, iyong kasama niya noong una ko siyang nakita.
"Sese, pinabibigay pala ni Mama 'tong Biko," nakangiting sabi ng isang dalagang kapit-bahay rin namin. Pilit na ngiti a
