"Si Lucas pala itong bumisita. Akala ko ay kung sino na." Sabi ni Uncle pagkabalik nito galing sa kusina. May dala itong bote ng beer. Inalok niya ang isa kay Kuya Lucas na tinanggap naman nito.
Nanatili akong nakatayo. Ni hindi ko magawang maigalaw ang mga paa ko. Para bang nasemento na ito nang makita kong muli si Kuya Lucas.
Nakatingin lang din siya sa akin. Pangisi ngisi pa. Animo'y may gustong sabihin na ayaw lang niyang ilabas.
Bigla akong tinubuan ng kaba sa aking dibdib. Hindi ko sigurado kung ano bang nasa utak ngayon ni Kuya Lucas at nagawa niyang bumisita rito sa amin. Wala naman atang okasyon ngayon. At ito rin ang unang pagkakataon niya na magpunta rito sa bago naming bahay.
Siguro naman ay wala siyang plano na ilaglag ako kay Uncle? Iyon ang pangako niya sa akin. Kaya nam
