"Ikaw, Robert Sarmiento? Tinatanggap mo ba si John na maging kabiyak ng iyong puso, sa hirap at ginhawa, umaraw man o umulan?"
Napatingin sa akin si Uncle. Seryoso ang mukha nito. May kaunting pangingilid ng luha sa gilid ng kanyang mata. mahigpit ang pagkakahawak nito sa aking kamay. Ngumiti ako sa kanya habang hinihintay ang magiging sagot nito.
Ibubuka na sana nito ang kanyang bibig nang may biglang sumigaw ng malakas.
"Hindi mo siya dapat pakasalan, Robert! Buntis ako, at ako dapat ang pakasalan mo."
Napalingon ang lahat sa pinanggalingan ng boses. Maging kami ni Uncle ay napalingon rin upang tukuyin kung sino ang nangahas na tumutol sa pag-iisang dibdib naming dalawa.
Biglang kumabog ng mabilis ang puso ko.
Lumapit ito sa kinatatayuan naming dalawa. Humawak ako ng mahigpit sa ka
