Kanina pa si Ella sa loob ng opisina ni Denisse na ngayon ay Mrs. Davis na kung tawagin ng karamihang empleyado. Kakausapin daw muna siya bago siya magsimula. Hindi niya alam kung receptionist siya ulit o ibang trabaho ang ibibigay sa kanya. Pero may mga bagay siyang hihingiin kay Denisse bago siya magsimula.
"Hi! How are you?" Mula sa kabilang silid ay lumitaw si Denisse. Katulad pa rin ng dati ay napakaganda nito sa mamahaling kasuotan at mga alahas.
"Okay lang ho." Inayos niya ang upo para magpakita ng tiwala sa sarili. Nag-a-apply siya ng trabaho bilang staff ng isang sikat at mamahaling hotel at resort. Kailangang makita nito na may kakayanan siyang dalhin ang sarili sa maraming bisita.
"Saan na nakatira ang pamilya mo ngayon?"
"Sa Nueva Ecija ho."
"Bakit bigla kang um
