"Ilang araw nang hindi nagpupunta dito si Denisse, Bennett! Sinabi ko sa 'yo na ayusin mo ang relasyon natin sa mga Silvestre, hindi ba?"
Napakaaga ng panenermon ng Papa niya kay Bennett dahil hindi na bumalik si Denisse sa Guererro Farm simula nang malaman nitong nakipag-usap siya kay Ingrid. Talagang nagalit ito sa kanya dahil kahit ang tawag niya'y hindi nito sinasagot. Nalaman rin niya mula kay Ingrid na tinanggal na ito ni Denisse nang kusa at binigyan ng separation pay. Ngayong wala ng trabaho si Ingrid, hindi naman niya puwedeng bawiin ang ipinangako niyang trabaho dahil kasalanan niya kung bakit ito nag-resign. Wala namang problema sana, kung hindi lang iniiwasan siya ngayon ni Denisse dahil siya ang hindi tumupad sa usapan nila.
"Busy lang ho si Denisse ngayon, Pa. Nagk
