"Thank you so much, Denisse. Napakarami mo ng pabor na ginawa sa 'kin hindi ko alam kung pa'no ako makakabawi." Nakaupo silang dalawa ni Bennett sa damuhan habang hinihintay na lang na matapos ang ibang tauhan sa pagpuputol ng mga sanga ng punungkahoy. Malinis na ang palibot ng farm. At nakalinya na rin ang isandaang puno ng niyog bagama't maliliit pa. Marami-rami pang gawain sa bukid pero malayo-layo na rin ang narating ng proyekto nila.
"Hindi mo kailangang bumawi. I did this to make up for that accident happened long time ago. Hindi ko alam na malaki ang ginastos ng pamilya mo dahil nawalan na tayo ng komunikasyon."
"We were too young then. At hindi naman 'yun ang dahilan kung bakit naghirap kami at napabayaan itong farm. Mula talaga nang mamatay ang Lolo ay wala ng namahala
