NAGMAMADALING umalis ng bahay si Hunter ng makatanggap siya tawag mula sa kanyang tauhan. Magkikita sila nito sa hideout nila.
Ang lakas ng kabog ng kanyang puso habang lulan siya ng kanyang sasakyan. Sana ay magkaroon ng linaw ang lahat ng kanyang ginagawa.
"Mayor," wika sa kanya ni Abner. Kaagad siya nitong sinalubong pagbaba niya ng hagdan. "Hawak na po namin ang secretary ni Vice."
"Nasaan siya? Baka sinaktan ninyo?" tanong niya.
"Hindi po, sinunod po namin ang bilin ninyo. Pagkauwi niya ng bahay ay doon namin siya binantayan at walang nakakita sa ginawa namin," sagot ni Abner sa kanya.
"Nasaan siya?"
"Sa kwarto."
Sinamahan siya ni Abner sa silid kung saan ay naroon si Gemma. Alam niyang marami itong alam tungkol kay Samuel at sana lang ay mapapayag niya ito sa kanyang gusto. A
