MARIA ALEXANDRA'S P.O.V:
ALAS SINGKO pa lang ng umaga ay gising na ako at kasalukuyang nasa kusina habang nakikisabay sa almusal ni Tito Chris at Christina.
Isa na namang tahimik na araw ang mayroon ako na walang amoy ng casino at isang peste sa buhay ko.
"Malex, day-off mo ngayon di ba?" basag ni Christina sa katahimikan ko kaya naingat ko ang aking paningin patungo sa kanya at inilapag ang tasa ng kape sa mesa na iniinom ko kanina.
"Oo, bakit?"
"Pwede mo ba akong samahan sa Palawan?"
Nagsalubong ang kilay ko at napatingin ako kay Tito Chris ngunit tahimik lang itong kumakain.
"Bakit?"
"May team building kami eh plus bonus na rin ng hotel lalo pa't Disyembre na."
"Sa dami ng pupuntahan niyo, bakit sa Palawan? At saka, ayos lang ba na may kasama ka?"
"Required naman daw kung gust
