MARIA ALEXANDRA'S P.O.V:
"Itatanong ko pa rin ang dahilan kung bakit."
Sinamaan ko ng tingin si Yves. "Wala akong tiwala sa pagmumukha mo kaya tigilan mo ako."
Umayos ng upo si Yves at isinandal ang isa niyang braso sa sandalan ng upuan at humarap siya sa akin.
"Itong mukhang ito?" aniya habang nakaturo sa sarili niyang mukha. "Hindi mapagkakatiwalaan? Alam kong sugarol ako pero sa mundong ginagalawan natin, ako lang ang pwede mong pagkatiwalaan dito."
"Ayoko."
Laglag ang panga ni Yves sa akin kaya naman humalukipkip ako sa aking kinauupuan at napatitig sa mga barahang nagkalat sa mesa.
"Ang sakit mo namang magsalita. Ang gwapo ko kaya."
Hindi ko naman aakalain na ang Master Gambler na kinahuhumalingan ni Sophia ay nakakaharap ko lang pala.
"Saang banda ang pagiging gwapo mo kung
