YVES DARYLL'S P.O.V:
TULALA LAMANG ako sa kawalan habang narito sa labas ng aming bahay at iniisip ang mga bagay na sinabi sa akin ng Tito na Malex tungkol kay Valdez.
Alam kong nabanggit na sa akin ni Malex ang tungkol sa pagtatanim niya ng galit sa matandang 'yon dahil ito umano ang may kasalanan kung bakit naulila ng lubos si Malex ngunit paano nalaman ni Valdez ang tungkol sa girlfriend ko?
"Ang lalim yata ng iniisip mo?" biglang sambit ni Kuya Yvrion nang tapikin niya ako sa aking balikat at naupo sa bangko na siyang kinauupuan ko rin.
Napasobra yata ang pag-iisip ko ng malalim na kahit ang paligid ko ay hindi ko na namamalayan ang nangyayari.
"Hindi naman po, kuya. May kailangan ka ba?" usisa ko sa kanya at saka napatingin sa kanyang mukha ngunit ang atensyon ni kuya Yvrion ay n
