YVES DARYLL'S P.O.V:
"ANG SAYA mo yata? Naihatid mo ba ng maayos si Malex?" bungad sa akin ni Kuya Yvrion nang makita ko siya sa labas ng bahay namin at may hawak siyang isang bote ng beer.
Nakaupo siya sa maliit na bangko at mayroong mesa sa harapan niya na may nakalatag na barbecue na sa tingin ko ay tira kanina.
Ayos ah, extended ba ang pagdiriwang ng kaarawan ko?
Lumapit ako kay Kuya Yvrion at pinagsaluhan namin ang beer na binili niya. Akala ko isa lang, dalawa pala kaya tag-isa kami ng bote.
Umupo ako sa kaharap niyang bangko at tumungga sa bote bago ko siya sinagot. "Naihatid ko naman po ng maayos. Anong trip mo at umiinom kang mag-isa?"
"Wala lang. Masama bang icelebrate ng mag-isa ang birthday mo?"
"O.A mo naman. Nga pala kuya, sinagot na ako ni Malex," pagbabalita ko sa ka
