"NAY dito na ho muna si Sir Xavier magpapalipas ng gabi. Bukas na bukas din ho ay aalis na siya pabalik ng Siyudad at kasama na ako," bungad na sambit ni Matilde pagkapasok nila sa bahay nila matapos niyang makipag-usap sa huli. Nakasunod ito mula sa likuran niya pagkapasok niya.
Tumango din naman ang nanay niya. "Wala naman iyong problema anak. Mabuti pa nga iyon at delikado nang bumyahe ng ganitong oras paluwas ng siyudad..." tugon naman nito at saka ibinaling ang paningin kay Xavier na ngayon ay tahimik naman.
Nilingon niya ito. "Dalawa lang ang kwarto rito Sir Xavier. Isa kila nanay at tatay at para naman sa amin ni Adrianna ang isa pa. Kaya walang ibang pagpipilian kundi ang matulog ka dito sa sala," tugon naman niya dito.
Bumakas naman ang discomfort sa mukha ni Xavier. Bahagya
