WALA nang nagawa si Leandro Jose nang sabihin ni Matilde na kaya naman niyang mag-commute. Hindi niya alam kung bakit alalang alala ito sa kanya. Samantalang wala naman itong pananagutan sa kanya.
"You have my number. Text me kapag nasa trabaho ka na," Leandro Jose said to her nang ibaba siya nito sa labas ng subdivision para mag-abang ng taxi.
Tumango naman at ngumiti si Matilde. "Sure Sir. Thank you," aniya.
"I will go now..."
"Take care, Sir," tugon pa ni Matilde.
Ngumiti naman ng matamis si Leandro Jose sa kanya. "I will," saad nitong nakinang pa ang berdeng mga mata.
Kumaway si Matilde nang umalis na ang binata. At nang hindi niya na matanaw ang sasakyan ng huli ay saka siya naghanap ng taxi.
Ilang minuto lang din ang lumipas at may huminto nang taxi sa harapan niya. Pumaso
