Alexis’ Point of View
Naalimpungatan ako. Iminulat ko agad ang aking mga mata. Kinuha ko ang cellphone ko para tingnan kung anong oras na. Alas dos y media palang pala ng umaga. Bumuntong hininga ako at bumangon muna. Nanunuyo ang lalamunan ko at gusto kong uminom muna ng tubig bago bumalik sa pagtulog.
Halos pumikit muli ang aking mga mata habang patungo sa kusina para kumuha ng tubig na iinumin ko. Humikab ako at kinusot ko pa ang mata ko. May kakaiba akong naaamoy sa paligid pero ipinagsawalang bahala ko iyon dahil baka panaginip o guni-guni ko lang iyon.
Nagsalin ako sa baso ng tubig at agad kinuha iyon para dalhin sa kwarto ko. Paakyat palang ako ng hagdan nang mapansin ko na parang may umuusok sa may sala. Nawala ang antok ko nang mapagtantong nasusunog na pala ang labas ng bahay
