Nakaapekto ang pagdalaw ni Detective Romano sa umagang iyon nina Abbey at Niccolo. Alam kasi nila pareho ang magiging apektado ang mga Galvani at Moretti sa pagdating ng detective na iyon.
“Hindi siguro lulutang iyon kung buhay pa si Don Antonio Galvani. Nagkaroon lang ng lakas ng loob ang pulis dahil nagbago na ng liderato ang Famiglia Galvani,” anas ni Niccolo. Nakaupo ito kasama si Abbey sa loob ng library ng mansyon.
Nagbuntong hininga si Abbey. Hindi kaya ay dahil nakikitaan siya ng kahinaan kaya naging confident ang pulis na gumalaw ngayon?
“Maybe he thinks. I’m a weakling. Kaya ganoon nalang kung makaasta siya. Akala niya dahil wala na ang lolo ko ay pwede na niyang pabagsakin ang Galvani,” tiimbagang na sabi ni Abbey.
Nilapitan siya ni Niccolo at saka hinagod ang kanyang likod
