Napaisip si Abbey sa pangalang binanggit ng matandang Moretti.
Abegail Galvani. Sino ba ang babaeng iyon?
Siya, alam niyang Abegail ang kanyang pangalan. At ang Galvani naman ay narinig na niya doon sa matandang lalaking tinulungan niya. Pero hindi niya alam ang babaeng nagngangalang Abegail Galvani.
Kaya naman hinarap niya ang matandang Moretti at saka nagsabi nang totoo.
“I don’t know any Abegail Galvani, sir. But why are you asking me that question? Is she someone I should know about?”
Kung kanina ay may naramdaman siyang bahagyang takot kay Don Carlos Moretti, ngayon ay nilakasan na niya ang loob dahil wala talaga siyang pagpipilian pa. Siya lang mag-isa roon at ayaw naman niyang masabihan siyang takot. Siguro ganoon naman talaga dapat kapag nasa harap ka ng biyenan mo, you’re tr
