Hindi maipaliwanag ni Niccolo ang sayang naramdaman sa sinabi ni Yaya Cora. Nandiyan na nga ang bago niyang magiging kalaro. Kaya naman hindi na tumutol ang batang lalaki at hinayaan na nalang si Yaya Cora na dalahin siya sa loob.
Pagkapasok palang ay agad niyang narinig ang iyak ng sanggol. At ang sanggol na iyon ay kalong-kalong ni Mama Abbey. Nababalutan ito ng puting tela habang ang maliliit na kamay ay nakataas. Tila ba inaabot nito ang mukha ni Mama Abbey.
“Niccolo…” tawag sa kanya ni Mama Abbey. Minuwestra nito ang kamay upang lumapit siya. Siya naman ay tila hindi makatanggi. Sumunod agad ang mga paa niya habang ang mga mata ay nakatitig sa maliit na sanggol na iyak nang iyak. Nang nasa malapit na siya ay muling nagsalita si Mama Abbey. “Niccolo… meet Sienna.”
Hindi maipaliwanag
