Kalat sa buong kuwarto ko ang halimuyak ng mga bulaklak sa aking boquet. Magmula sa puting pumps, necklace pati na rin iyong hairclip na pinahiram sa akin ng mga Cojuangco ay naroon.
"Kinakabahan ka ba?" tanong ni Hyacinth. Siyempre sila-sila pa rin nina Robbie ang mag-aayos sa akin kahit sa araw ng kasal ko. Hindi sila makakapayag na may ibang gagawa ng trabaho na 'to.
Imbes na isasalita kung gaano ako ninenerbyos para sa araw na 'to. Hinawakan ko ang kamay niya para maramdaman nito ang panlalamig at panginginig ko. She laughed. "Paano ka ba naman hindi ninenerbyusin. Pangalawang tasa mo na iyan simula nang magising ka kaninang alas-singko," puna nito.
She's right. I just emptied a two cup of strong coffee.
"I can't imagine how nervous he is." Robbie commented. Inalis niya na iyon
