"Margarette Akari!" napabalikwas ako sa singhal ni Mommy. Minsan niya lang kasing gawin iyong ganito na siya mismo ang personal na gigising sa aming mga anak niya. Kapag siya ang gumagawa non ibig sabihin lang na may importanteng nangyayari sa baba ng bahay.
Ang kaluluwa kong antok na antok pa rin kasi alas-kuwatro na kami ng madaling araw dumating dito sa Santiago ay nagising din. Binukas ba naman ni Mommy ang lahat ng bintana at kurtina rito sa kuwarto. Pati iyong french door sa patio ay hindi niya pinalampas.
"Inaantok pa ako. Wala pa naman akong gagawin ngayon ah."
"It's not a plan but your in laws are here."
"In laws? Iyong parents ni Ranus?" I asked, unti-unti na rin akong nakalalabas mula sa dreamland.
"The whole Cojuangco. Thirty minutes na silang nasa baba. Pinagising na
