“HAPPY Valentine’s day, irog!”
Napapitlag si Zantiago at kamuntikan nang mahulog sa hagdan nang marinig ang masiglang tinig ni Khloe. Nasa stage siya at ikinakabit ang mga letra ng JUNIOR & SENIOR PROM. Mamayang gabi na ang prom.
“Ay, mali pala ako. Happy Valentine’s day, bakla!”
Hindi maiwasan ni Zantiago ang matawa. Nitong mga huling araw ay napapansin niyang hindi na ganoon katatag ang kanyang pagtanggi sa paniniwala ni Khloe na magnobyo na sila. Mas madalas na hinahayaan na lang niya ang dalaga dahil aminado siyang masaya siya. Masarap sa pakiramdam tuwing naglalambing ito sa kanya. Sineseryoso ng dalaga ang sinabing itatago nila ang sekreto. Madalas siya nitong ituring na baklang kaibigan tuwing may kasama silang iba. Kung dati ay mariing sinasabi ni Khloe na hindi siya bakla, nga
