“O, SA `YO na.”
Napatingin si Zantiago sa isang supot ng tinapay na iniaabot ni Kuya Gregorio. Alas-nuwebe na ng gabi. Kauuwi lang nito sa bahay. May mga dalaga itong inayusan para sa prom. Bago iyon, maghapong nasa bukid ang kapatid niya upang makiupa sa mga nag-aani ng mais. Mukhang pagod na pagod na nadatnan siya sa poso na naghuhugas ng mga pinagkainan.
Tinanggap niya ang tinapay. Ganoon talaga ang kapatid niya, minsan ay hindi na kinakain ang ipinapa-merienda at iniuuwi na lang sa kanya. “Kumain ka na ba?”
Tumango si Kuya Gregorio. “Pinaghapunan na ako ni Aling Bebang sa kanila. May kaartehan pala ang anak n’on.”
Tumango si Zantiago. Kaklase nila ni Khloe ang dalagang tinutukoy ni Kuya Gregorio. May kaartehan at kayabangan ang anak ni Aling Bebang kaya hindi nila naging kaibigan n
